ЁРҚИН ЛОЙИҲА
Тошкент ирригация ва қишлоқ хўжалигини механизациялаш муҳандислари институтида ҳам Ўзбекистондаги барча Олий таълим муассасаларида илк бор талабалар томонидан ташкил этилаётган Oweek2019 лойиҳасига старт берилди. "#ORIENTATIONWEEKTIIAME" лойиҳаси Сув хўжалигини ташкил этиш ва бошқариш факултети 1-босқич талабалари учун факултет раҳбарияти, институт ёшлар иттифоқи бошланғич ташкилоти, факултет ёшлар кенгаши томонидан ташкил этилди. Дастлаб, факултет раҳбарияти билан келишилган ҳолда, 28-август санасидан бошлаб жадал ишлар олиб борилиб, дастур яратилди ҳамда факултетда таълим олувчи фаол, иқтидорли, ташаббускор ёшлардан иборат юқори босқич талабалар гуруҳи шакллантирилди. Ҳар бир институтга ташриф буюраётган 1-босқич талаба учун Юртбошимиз томонидан илгари сурилган 5 ташаббус ҳақида флайрлар, 1-босқичлар учун керакли маълумотлар тўпланган дисклар, махсус дастур, институт академик ҳаётига мослашиш учун лозим бўлган барча керакли нарсалар жам бўлган йиғма жилдлар тайёрланди. Тасаввур қилинг, гуруҳ раҳбари билан биргаликда институт ҳақида 1-босқич талабаларга юқори босқич талабалари таништиришади, ўзларининг тавсияларини беришади. Хорижий олий таълим муассасаларида айни шу лойиҳада иштирок этган 1-босқич талабалари олий таълим муассасаси академик ҳаётига мослашиши ҳамда ўқишдаги рейтинги, ўзлаштириши бошқа талабаларга қараганда 40 % юқори бўлиши аниқланган. Энг муҳими, факултет раҳбарлари талабалар ичида улар ёнида, юқори босқич талабалари 1-босқич талабаларини етаклаб, уларни аста-секин институт академик ҳаёти билан таништиришмоқда. 109-гуруҳ талабалари эса Б бинода жойлашган кафедралар, бўлимларни институт ёшлар етакчиси ҳамроҳлигида айланиб, танишиб чиқишди. #Orientationweektiiame лойиҳаси 1-куни якунланди. Лойиҳамиз давом этади бизни кузатиб боринг. Тайёргарликда яқиндан ёрдам берган барчага миннатдорчилик билдирамиз. Факултет раҳбарияти фаол, ташаббускор талабаларни доим қўллаб-қувватлашга тайёр. Лойиҳадан лавҳаларни тақдим этамиз. Биринчи кун Талабаларни кутиб олиш, Танишув, Факултет раҳбарлари томонидан Мустақиллик дарси, Гуруҳ сардорлари тайинлови, қизиқарли маълумотлар ва бошқалар. Лойиҳанинг давоми ҳақида ҳам сизларни таништириб борамиз.
Сув хўжалигини ташкил этиш бошқариш факултети деканати маълумоти
Институт матбуот котиби Раҳимбой Жуманиёзов