1-курс талабалари факультет жамоаси билан танишди
Талабаликка қабул қилиниш – бу ёшлар учун энг бахтли ҳодиса деб айтсак, муболаға бўлмайди. Шу сабабли, Тошкент ирригация ва қишлоқ хўжалигини механизациялаш муҳандислари институти “Қишлоқ хўжалигини механизациялаш” факультетининг 1-босқичига қабул қилинган талаба-ёшлар билан факультет жамоаси ўртасида таништирув суҳбати бўлиб ўтди.
Унда, факультет декани У. Қўзиев, кафедра мудирлари К.Астанакулов, А.Игамбердиев, М.Амонов, И.Авазов, ёшлар билан ишлаш бўйича декан ўринбосари Ҳ.Бойматов ва факультет декани ўринбосарлари Б.Саримсаков, У.Бердимуродов, Н.Абдиевлар иштирок этишди. Таништирув жараёнида талаба-ёшлар институт ва факультет ҳақидаги барча маълумотларга эга бўлишди.
“Қишлоқ хўжалигини механизациялаш” факультети ёшлар билан ишлаш бўйича декан ўринбосари Ҳ.Бойматов ахбороти
Институт Матбуот хизмати раҳбари Р.Жуманиёзов