Китоб - маънавият ойнаси
2021 йил 7 апрел куни “Сув хўжалигини ташкил этиш ва бошқариш” факультетининг 4 курс 403 - гуруҳ талабалари, гуруҳ мураббийи “Бухгалтерия ҳисоби ва аудит” кафедрасининг катта ўқитувчиси М.Рахматалиев бошчилигида институтимизнинг Ахборот-ресурс марказининг 2-қаватида жойлашган Профессор-ўқитувчилар ўқув залида “Китоб-инсон маънавияти кўзгусидир” рукни остида ўтказиладиган “Китоблар кўргазмаси”га ташриф буюрдилар.
Ташрифи давомида кўргазмада ўқув, ўқув-услубий, илмий адабиётлар, шу жумладан, ўзбек ва жаҳон адабиётининг дурдона асарлари билан танишиб чиқдилар. Ташриф жуда мазмунли бўлиб, талабалар ўзларига керакли бўлган маълумотлар билан танишдилар. Ташриф сўнгида гуруҳ мураббийи ва талабалар ташаббуси асосида гуруҳ мураббийи ҳамда ҳар бир талаба ўзининг шахсий кутубхонасидан институт кутубхонасига китоблар совға қилдилар. Ушбу ташаббус билан чиққан гуруҳ мураббий ва талабалар институтимизнинг барча профессор-ўқитувчилари ҳамда талабаларидан ушбу ташаббусни қўллаб-қувватлаган ҳолда, барчани унда иштирок этишларига даъват этдилар.
ТИҚХММИматбуот хизмати