Сув қадрини суратларда ҳис этинг
22-март Бутужаҳон сув куни муносабати билан ҳар йили анъанавий тарзда танловлар бўлиб ўтади. Бугун 11 март куни ушбу тадбирнинг биринчи танлови “Сув қадри” мавзусидаги фотосуратлар танлови бўлиб ўтди. Унда 40 га яқин иқтидорли талаба ва магистрантларимиз мавзу доирасида ижод намуналари билан иштирок этишди.
Тадбирда Бирлашган Миллатлар Ташкилоти Тараққиёт Дастури вакиллари, Олий Мажлис Қонунчилик палатаси депутатлари ҳам иштирок этишиб, иштирокчиларнинг бутун дунёда сув ресурсларини тежаб, улардан самарали фойдаланиш бўйича таклифлари, фикр-мулоҳазаларини тинглаб, ёш сувчиларга келгуси ишларида омад ва муваффақиятлар тилашди. Эслатиб ўтамиз Бутунжаҳон сув куни туркум тадбирлари 11-13 март кунлари давомидаўтказилади.
ТИҚХММИ матбуот хизмати