“Ҳумо” аренасига ташриф
Институтимиз ректорининг 2019 йил 20 апрелдаги ва "Қишлоқ ва сув хўжалиги энергия таъминоти" факультети деканининг 2019 йил 24 апрелдаги “ҚСХЭТ факультети талабаларининг Ўзбекистон Ислом цивилизацияси маркази, “Ҳумо” аренаси ва “Тошкент сити” (“Toshkent City”)га ташрифи юзасидан режа-жадвали”га мувофиқ 2019 йил 8 май куни “Технологик жараёнларда ишлаб чиқаришни автоматлаштириш ва бошқариш” йўналиши 2-босқич 205, 207, 208-гуруҳ талабалари гуруҳ мураббийлари А. Абдуғаниев, Ч. Охунбобоева ва Н. Азизовалар билан биргаликда “Ҳумо” аренасига ташриф буюришди.
Экскурсия давомида талабаларга “Ҳумо” аренаси тўғрисида, ўтказиладиган тадбирлар ва спорт мусобақалари тўғрисида маълумотлар берилди, аренанинг бўлимлари, махсус бўлимлари билан танишилди, дизайн жиҳатдан арена тўғрисида фикр-мулоҳазалар билдирилди. Талабалар иштиёқ ва қизиқиш билан экскурсияда фаол иштирок этишди.
ҚСХЭТ факультети Маънавият ва маърифат ишлари бўйича декан муовини Ш.Бердиев ахбороти
Институт матбуот котиби Раҳимбой Жуманиёзов