ТИҚХММИ профессорининг чет эл университетларидаги навбатдаги учрашуви
Хабарингиз бор шу кунларда интитут профессори Туркиянинг бир қатор университетлари таклифига биноан хизмат сафарида бўлиб турибди. Ушбу хизмат сафарининг навбатдаги манзили Туркиянинг Болу Aбант Иззет Байсал Университети бўлди. 6 апрел куни профессор Обид Турсунов Туркиянинг Болу Aбант Иззет Байсал Университети ректори профессор Мустафа Aлисарли билан расмий учрашув ўтказди.
Учрашув давомида Болу Aбант Иззет Байсал университети (БAИБУ) ва Тошкент ирригация ва қишлоқ хўжалигини механизациялаш муҳандислари институти (ТИҚХММИ) ўртасида икки томонлама алоқаларни ўрнатиш ва ривожлантириш, муҳандислик соҳасида ҳамкорлик қилиш ва қўшма лойиҳалар ишлаб чиқиш, шунингдек, қишлоқ хўжалиги ҳамда атроф-муҳит соҳаларида ўзаро илмий ишлар олиб борилиши келишиб олинди.
Бундан ташқари ташриф давомида институт профессори О.Турсунов Болу Aбант Иззет Байсал Университети профессори Нусрет Каракая ҳамроҳлигида университет илмий-тадқиқот марказлари ва лабораториялари билан яқиндан танишди.
Батафсил маълумот қуйидаги ҳаволада келтирилган: http://ajanda.ibu.edu.tr/taskent-sulama-ve-ziraat-muhendisligi-enstitusunden-rektor-alisarliya-ziyaret/
“ЭТваҚТЭМ” кафедраси таянч докторанти Н.Абдуғаниев
ТИҚХММИ матбуот хизмати