Муаммоларнинг ечими илмда!
Жорий йилнинг 14 июнъ куни “Сув хўжалигини ташкил этиш ва бошқариш” факультетитининг бир гуруҳ иқтидорли ва ташаббускор ёшлари билан институтнинг Илмий - тадқиқотлар, инновациялар ва илмий - педагог кадрлар тайёрлаш бўлими бошлиғи Ш.Имомов, Илмий-инновацион ишланмаларни тижоратлаштириш бўлими ҳамда иқтидорли талабаларнинг илмий-тадқиқот ишларини ташкил этиш бўлими ходимлари билан биргаликда учрашув ўтказилди. Учрашув доирасида бевосита талабалар билан тўғридан-тўғри очиқ мулоқот бўлиб ўтди. Ш.Имомов сўзга чиқиб ҳозирги кунда яратилётган янгиликлар, инновацион ғоялар ва президентимизнинг ёшларга алоҳида эътибор берилаётгани тўғрисида айтиб ўтди. Факультет талабаларига мурожаат қилиб улардаги муаммо ҳамда таклифлар билан танишди. Иқтидорли ва ташаббускор талабалар томонидан бундай юзма-юз, очиқ учрашувларни тез-тез ўтказилиши уларни янада ташаббускор ҳамда илм-фанга қизиқишларини орттиришини таъкидлашди.
Илмий - тадқиқотлар, инновациялар ва илмий - педагог кадрлар тайёрлаш бўлими муҳандиси Дўстов Ж А ахбороти
Институт матбуот котиби Раҳимбой Жуманиёзов