Мароқли дам – меҳнатга ҳамдам
Институт талабаларини бўш вақтларини мазмунли ўтказишлари, мароқли дам олишлари ҳамда иқтидорли ёшларни аниқлаш ва уларга маҳоратларини янада ривожлантиришлари учун имконият ва шароитлар яратиб бериш мақсадида “Қишлоқ хўжалигини механизациялаш” факультетида таҳсил олаётган иқтидорли талабалар томонидан барча намойишлар жонли ижро асосида “Факультет концерт шоу”си уюштирилди.
Концертда “Қишлоқ хўжалигини механизациялаш” факультетида таҳсил олаётган иқтидорли талабалар ўзларининг маҳоратлари билан жонли қўшиқ айтиш, турли мусиқий асбобларни чалиш ва ўзларининг ҳажвий, юмористик чиқишлари билан барчада қизиқиш уйғотди.
Концерт жуда қизиқарли тарзда ўтказилди ва барча факультетнинг талабалари кўтаринки руҳда томоша қилиб, мароқли дам олишди.
ҚХМ факультети маънавий – маърифий ишлар бўйича декан ўринбосари И.Рахимов ахбороти
Институт матбуот котиби Раҳимбой Жуманиёзов