Мeҳр манбаи
Жорий йилнинг 22 декабрь куни Институтимиз ҚХМ факультети Ёшлар иттифоқи кенгаши талабалари ташаббуси билан Тошкент шаҳар М.Улуғбек туман Қорасув даҳасида жойлашган 105-сонли имконияти чекланган болалар мактаби интернатига хайрия тадбири уюштирилди. Тадбир давомида ҚХМ факультети томонидан янги йил эртаги деб номланган саҳна кўриниши болалар эътиборига ҳавола этилди. Болажонларга дастурхон ёзилиб ош тайёрланди, байрам муносабати билан ҳар хил қизиқарли ўйинлар ташкил этилди ва албатта ҳар бир болажонларга совғалар улашилди. Бу тадбир ва совғалар ҳаммага манзур бўлди ва у ерда тарбияланувчилар юзида таббасум югурди деб иккиланмай айтишимиз мумкин. Бу тадбирни ташкил этишда яқиндан ёрдам берган Институт раҳбариятига, ёшлар билан ишлаш бўйича проректор Қ.Шавазовга, Институт касаба уюшма қўмитаси раиси Ф.Ирисовга, ҚХМ факультети декани У.Қўзиевга ва маънавий-марифий ишлар бўйича декан муовини И.Раҳимовга ҳамда ҚХМ факультети барча фаол талабаларига ўз миннатдорчилигини билдиради.
ҚХМ факультети Ёшлар иттифоқи кенгаши ахбороти
Институт матбуот котиби Раҳимбой Жуманиёзов