Дўст билан обод уйинг!
Барчамизга маълумки, мана ярим йилдирки, институтга “Қишлоқ хўжалигини механизациялаш” факультети келиб қўшилди ва талаба – ёшлар ўқув амалиётларини шу ерда давом эттириб келмоқда.
Шу кунга қадар институтнинг бошқа факультетлари иқтидорли талаба ёшлари сингари турли маданий тадбирларда иштирок этиб келишмоқда.
“Қишлоқ хўжалигини механизациялаш” факультети талаба – ёшлари бошқа факультетлар талабалари билан яқиндан танишиш ва дўстона алоқаларни янада кучайтириш мақсадида жорий йилнинг 23 феврал куни “Салом ирригация – келди механизация” номли концерт дастури уюштиришди.
Тадбирга барча факультетлар талабалари ташриф буюришди ва “Қишлоқ хўжалигини механизациялаш” факультети талаба – ёшлари томонидан намойиш этилган концерт дастурини мириқиб томоша қилишди.
Ушбу тадбир ёшлар орасидаги дўстона муносабат ҳамда меҳр – оқибатни янада кучайтиргани, шубҳасиз.
“Қишлоқ хўжалигини механизациялаш” факультети
маънавий-маърифий ишлар бўйича декан ўринбосари И.Рахимов ахбороти
Институт матбуот котиби Раҳимбой Жуманиёзов