Гидропоника нима?
2018 йил 19 апрел куни Тошкент Ирригация ва қишлоқ хўжалигини механизациялаш муҳандислари институти 4-сонли талабалар турар жойида “Гидромелиорация” факультети, “Ирригация ва мелиорация” кафедраси профессор-ўқитувчилари доц. Бахтияр Матякубов, доц. Атхам Маматалиев, асс. Илхом Уразбаев томонидан “Гидропоника” мавзусида давра суҳбати ўтказишди.
Тадбир мавзусининг асосий мақсадини ёритиб бериш учун дастлаб доц. Атхам Маматалиев кириш сўзлари билан талабалар диққатини жалб қилиб олди. Сўнгра Гидропоника тўғрисида тақдимот талабалар эътиборига ҳавола қилинди ва видео ролик намойиш этилди.
Берилган маълумот талабаларда катта қизиқиш уйғотди. Талабаларни қизиқтирган саволларга доц. Бахтияр Матякубов, доц. Атхам Маматалиев, асс. Илхом Уразбаевлар томонидан етарлича жавоб берилди.
Тадбирда ТИҚХММИ Бухоро филиали Дилмурод Нуров ва Андижон қишлоқ хўжалиги институтидан Рахматжон Қодиров ҳамда тарбиячи педагог Жавлонбек Қутлимуротовлар иштирок этишди.
Тадбир жуда савол-жавобларга бой қизиқарли даражада ўтказилди.
4 - ТТЖ тарбиячи-педагоги Жавлонбек Қутлимуротов ахбороти,
Институт матбуот котиби Раҳимбой Жуманиёзов.