Талаба – ёшларнинг инновацион ғоялари
“Ўзагросаноат – холдинг” акциядорлик жамияти раиси илмий маслаҳатчиси, академик Р.Д.Матчонов жорий йилнинг 3 март куни “Қишлоқ хўжалигини механизациялаш” факультетига ташриф буюрди.
Академик Р.Д.Матчонов факультет талаба – ёшлари учун “Қишлоқ хўжалиги машинасозлигининг бугунги ва эртанги куни” мавзусида маъруза қилди. Маъруза материалларга бойлиги ва илмий асосланганлиги билан эътиборга молик бўлди. Маърузадан сўнг юқоридаги мавзу юзасидан талабалар билан савол-жавоб шаклида давра суҳбати ўтказилди.
Талабалар ўзларининг янги ғояларини академик Р.Д.Матчонов билан ўртоқлашишди ва ўзларига керакли бўлган маслаҳатларни олишди. Тадбир қизиқарли ва кўтаринки руҳда ташкил этилди.
“Қишлоқ хўжалигини механизациялаш” факультети маънавий – маърифий ишлар бўйича декан ўринбосари Икром Рахимов ахбороти
Институт матбуот котиби Раҳимбой Жуманиёзов