Институтимиз халқаро рейтинга киришга интилмоқда
Ўзбекистон Республикаси Олий ва ўрта махсус таълим вазирлиги ҳузуридаги Тошкент ирригация ва қишлоқ хўжалигини механизациялаш мухандислари институтига 2018 йил 26 июнь куни Times Higher Education Россия минтақаси ва МДХ давлатлари юқори рейтинг агентлиги директори Егор Яблоков ва Elsevier компанияси Марказий Осиё минтақавий директори Алия Оспановалар ташриф буюришди. Институт ректори Ўктам Умурзаков меҳмонларга институтнинг бугунги кундаги хорижий олий таълим муассасалари билан олиб борилаётган ҳалқаро ҳамкорлик фаолияти ҳамда эришилган натижалар тўғрисида маълумот берди. Бундан ташқари институтнинг QS халқаро рейтинг агентлиги билан олиб борилаётган ҳамкорлик ишлари тўғрисида ҳам ахборот берди.
Шундан сўнг, директор Егор Яблоков Times Higher Education World University Rankings нинг бугунги фаолияти, дунё таълим муассасаларининг рейтингларни аниқлаш методологияси ва индикаторлари ҳамда Times Higher Education га аъзо бўлиш талаблари тўғрисида тақдимот қилди. Учрашувда кўплаб қизиқарли саволларга етарлича жавоб олинди.
Учрашув сўнгида, директор Егор Яблоков Тошкент ирригация ва қишлоқ хўжалигини механизациялаш мухандислари институтининг Times Higher Education World University Rankingsга кириш имконияти мавжудлигини юқори баҳолади ва ҳамкорликда ишлашга келишув имзоланди.
С.Ўринбоев маълумоти.