“Ватанни асл фарзандларгина ҳимоя қила олади”
“Ўзининг буюк тарихи ва аждодларига муносиб ворис бўлган халқимиз
мамлакат хавфсизлигини таъминлашга қодир армияни ярата олади”
Ўзбекистон Республикасининг Биринчи Президенти,
И.А.Каримов
Тошкент ирригация ва қишлоқ хўжалигини механизациялаш муҳандислари институтининг Ҳарбий кафедрасида 2018 йил 8 июль куни Ҳарбий кафедра курсантларига “Ҳарбий қасамёд” қабул қилиш тадбири бўлиб ўтди. Тадбирда институт ректори Ўктам Пардаевич Умурзоқов, Ўқув ишлари бўйича проректор Мирзаев Баҳодир Суюнович, Ёшлар билан ишлаш бўйича проректор Шавазов Қодиржон Очилович ва факультет деканлари иштирок этишди. Ҳарбий қасамёд тадбирига курсантларнинг ота-оналари ва яқин қариндошлари ташриф буюришди. Институт ректори Ўктам Пардаевич Умурзоқов тадбирини кириш сўзи билан очиб берди. Ҳарбий кафедра бошлиғи Минлишев Рафик Зилевич курсантларни табриклаб, институт ректорининг ҳарбий кафедра шахсий таркибини тақдирлаш тўғрисидаги буйруғини ўқиб эшиттирди. Шундан сўнг, институт ректори Ўктам Пардаевич Умурзоқов томонидан офицерлар ва курсантларга фахрий ёрлиқ ва эсдалик совғалар топширди. Тадбирдан сўнг курсантлар, меҳмонлар ва ота-оналар учун концерт дастури бўлиб ўтди.
“Қишлоқ ва сув хўжалиги энергия таъминоти” факультети Маънавий – маърифий ишлар бўйича декан ўринбосари Ш.О.Бердиев