Меҳрибонлар меҳри
Инсон зоти борки, эътиборга, эҳтиромга муҳтож. Халқимизнинг қон-қонига сингиб кетган меҳр-оқибат, инсонийлик фазилатлари ҳар доим муҳим аҳамият касб этиб келган.
“Гидромелиорация” факультети ёшлар етакчиси ташаббуси билан факультет фаол талабаларидан иборат бир гуруҳ ёшлар Тошкент шаҳрида жойлашган 21-сон меҳрибонлик уйига ташриф буюриб, уларнинг ҳолидан хабар олишди. Ташриф давомида меҳрибонлик уйи тарбияланувчиларига талабалар томонидан саҳна кўринишлари, шеърлар, ўйинлар ташкил қилиниб жажжи кичкинтойларнинг кўнглига кўтаринки кайфият улашилди. Ташриф сўнгида болажонларга талабалар томонидан ташкил қилинган совғалар топширилди.
Меҳрибонлик уйи раҳбарияти институт раҳбарияти ҳамда талабаларга миннатдорчилик билдиришди. Сизларни ҳам сафимизга чорлаймиз азиз талабалар. Ёшлар иттифоқига қўшилинг-ёшлар келажак бунёдкори.
“Гидромелиорация” факультети ёшлар етакчиси С. Вапаев ахбороти
Институт матбуот котиби Раҳимбой Жуманиёзов